⚡️RÁSMIY MÚNÁSIBET

Sociallıq tarmaqlarda tarqalǵan video múrájatqa (https://www.youtube.com/watch?v=FoMFqzLBW5I) Qaraqalpaqstan Respublikası Avtomobil jolları bas basqarması rásmiy múnásibet bildiredi.

Múrájatta kórsetilgen jol Ellikqala rayonı aymaǵınan ótken A380 “Ǵuzar-Buxara-Nókis-Beynew” avtomobil jolınıń 614-615-km esaplanadı. Búgingi kúnde, Ellikqala JTPMSh tárepinen avtomobil jolınıń usı bóleginde ońlaw jumısları alıp barılmaqta. Ellikqala JTPMSh tárepinen házirde 2450 m² jol ultanı qazıp alınıp, ornına 1 metr qalıńlıqta qum, 30 sm qalıńlıqta 40-70 mm sheben tóseldi. Qaplamnıń astıńǵı bólegine 15 sm qalıńlıqta 20-40 mm sheben tóselip, ońlaw jumısları dawam etpekte. Jaqın kúnlerde ońlaw jumısları óz juwmaǵına jetip, keltirilgen qolaysızlıqlar saplastırılıwın málim etemiz.