⚡️Ózbekstan Respublikası Transport prokurorı qurılıs jumıslarınıń barısı menen tanıstı

Ózbekstan Respublikası Transport prokurorı I.Narimov tárepinen Qaraqalpaqstan Respublikası aymaǵında avtomobil jolları qurılısına baylanıslı mámleketlik baǵdarlamalardıń orınlanıwı úyrenildi. “Avtomobil jolların qurıw hám rekonstrukciyalaw direkciyası” mámleketlik shólkemi direkciyası baslıǵı D.Isaev Qaraqalpaqstan Respublikası Avtomobil jolları bas basqarması baslıǵı U.Matnazarov qurılıs obektleri menen tanıstırıp, maǵlıwmatlar berdi.

Dáslep, Taqıyatas rayonında “Aydın jol,” “Doslıq,” “Abat mákan” MPJ puqaraları menen ushırasıp, “Baslamalı byudjet” baǵdarlaması sheńberinde ońlanatuǵın avtomobil jolınıń smeta-joybarları menen tanıstı. Qurılıs sapası qala qurılısı talapları tiykarında ámelge asırılıwı, qurılısta sapa kórsetkishlerine itibar qaratıw hám obektti óz múddetinde paydalanıwǵa tapsırıw boyınsha tapsırmalar berdi.

Bunnan soń, A380 “Ǵuzar-Buxara-Nókis-Beynew” avtomobil jolınıń 698-723-km. bóleginde alıp barılıp atırǵan rekonstrukciya jumısları menen tanıstı, bul obektte qurılıs-montajlaw jumısların óz waqtında, tastıyıqlanǵan smeta sheńberinde sapalı orınlanıwı boyınsha tiyisli kórsetpeler berdi.

Sonday-aq, A380 “Ǵuzar-Buxara-Nókis-Beynew” avtomobil jolınıń 673-698-km bóleginde jámi 25 km avtomobil jolın cement-beton qaplaması menen rekonstrukciyalaw jumısları menen tanısıp, bul obektlerdiń joybarı, háreket qáwipsizligin támiyinlewge ayrıqsha itibar qaratılıwı kerek ekenligin atap ótti.

Bunnan tısqarı, Nókis qalası aymaǵınan ótken D234 (4R176) “Nókis-Shımbay-Taxtakópir” avtomobil jolınıń 0-14.3-km bólegindegi rekonstrukciya jumısları menen de tanısıp, obektte qurılıs jumısların jedellestiriw boyınsha usınıslar berdi.