⚡️RÁSMIY MÚNÁSIBET

Sociallıq tarmaqlarda tarqalǵan video múrájatqa (https://t.me/antikorruz/43602?single) Qaraqalpaqstan Respublikası Avtomobil jolları bas basqarması rásmiy múnásibet bildiredi.

Sociallıq tarmaqlarda usı jıldıń 1-noyabr kúni saat 11:55 te D239 (4P182) “A380 avtomobil jolı (661-km den) – Qızılqala awılı – Bostan qalası – Guldursun awılı – Tórtkól rayonı” avtomobil jolınıń 23-24-km aralıģında júz bergen jol-transport hádiysesi haqqında xabarlar tarqaldı. Bul jol transport hádiysesine avtomobil jolınıń qatnaw bóleginde payda bolǵan kemshilikler sebep bolǵanlıǵı aytılmaqta.

Bul avtomobil jolınıń 17-24-km bóleginde usı jıldıń oktyabr ayında ońlaw jumısları alıp barılǵanın málim etemiz. Sonıń menen birge, háreket qáwipsizligin támiyinlew maqsetinde tiyisli jol belgileri ornatılǵan. Qatnaw bóleginiń bul bóleginde háreketleniw tezligi 70 km/saat etip belgilengen.

Sonday-aq, jol-transport hádiysesine ne sebep bolǵanlıǵı boyınsha anıqlıq kirgiziw hám tolıq maǵlıwmat beriw maqsetinde tiyisli juwapker uyımlar tárepinen úyreniw jumısları alıp barılıp atırǵanlıǵın, úyreniw jumıslarınıń nátiyjesi boyınsha qosımsha maǵlıwmat beriletuǵınlıǵın málim etemiz.