⚡️Qaraqalpaqstan Respublikası Transport ministrligi, Transport qadaǵalaw inspekciyası hám Qaraqalpaqstan Respublikası Avtomobil jolları bas basqarması menen birgelikte baspasóz konferenciyası hám Press-tur shólkemlestirildi

Búgin 27-may kúni Qaraqalpaqstan Respublikası Transport ministrligi, Transport qadaǵalaw inspekciyası hám Qaraqalpaqstan Respublikası Avtomobil jolları bas basqarması menen birgelikte Qaraqalpaqstan Respublikası Transport ministrligi májilisler zalında ǵalaba xabar quralları wákilleri ushın baspasóz konferenciyası hám Press-tur shólkemlestirildi.

Ilajdıń dáslepki bóliminde ótkerilgen baspasóz konferenciyasında Qaraqalpaqstan Respublikası transport ministri P.Kaipbekov, Ózbekstan Respublikası Transport qadaǵalaw inspekciyası baslıǵınıń orınbasarı S.Turǵunov, Transport qadaǵalaw inspekciyası Málimleme xızmetiniń baslıǵı F.Xayriddinov hám Qaraqalpaqstan Respublikası Avtomobil jolları bas basqarması baslıǵınıń orınbasarı R.Ibragimov qatnastı. Onda taraw basshıları tárepinen jurnalistlerdiń áhmiyetli sorawlarına hár tárepleme juwaplar berildi, bar mashqalalar hám olardıń sheshimleri boyınsha analitikalıq pikir-usınıslar bildirildi.

Baspasóz konferenciyası dawamında transport tarawı hám jol infrastrukturası baǵdarında ámelge asırılıp atırǵan reformalar, bar mashqalalar, olardıń sheshimleri hám keleshektegi rejeler haqqında keń túrde maǵlıwmatlar berildi. ǴXQ wákilleri tárepinen bildirilgen sorawlarǵa taraw basshıları tárepinen tiykarlanǵan, ashıq hám hár tárepleme juwaplar berildi.

Sonday-aq, júk avtomobilleri háreketi, jollardıń júk kóteriw qábileti, qadaǵalaw sistemasınıń kúsheytiliwi, qurılıs sapası, laboratoriyalıq qadaǵalaw sıyaqlı áhmiyetli temalar boyınsha pikir-usınıslar bildirildi. https://t.me/krmintrans/11316