🌿 “Yashil makon” – yo‘l bo‘ylarida ham yashil hududlar kengaymoqda

Hurmatli Prezidentimiz tomonidan ilgari surilgan “Yashil makon” umummilliy loyihasi doirasida ko‘chat ekish tadbirlari yurtimiz bo‘ylab izchil davom etmoqda. Ushbu tashabbus doirasida kuni kecha Prezidentimiz ko‘chat ekish marosimida ishtirok etib, Milliy dendrologiya bog‘ini barpo etishga start bergan edi.

📌Mazkur ezgu ishlarning mantiqiy davomi sifatida bugun Avtomobil yo‘llari qo‘mitasi raisi J. Tursunov A380 “G‘uzor–Buxoro–Nukus–Beyneu” avtomobil yo‘lining Qoraqalpog‘iston Respublikasi hududidan o‘tgan qismi bo‘yida tashkil etilgan ko‘chat ekish tadbirida ishtirok etdi.

⚡️Ushbu tashabbus yo‘l bo‘ylarida yashil hududlarni kengaytirish, ekologik muhitni yaxshilash hamda hududlar obodonligini oshirishga xizmat qiladi. Bunday sa’y-harakatlar yurtimizda ekologik barqarorlikni ta’minlash, yashil makonlarni kengaytirish va kelajak avlod uchun sog‘lom muhit yaratishda muhim ahamiyat kasb etadi.