⚡️RÁSMIY MÚNÁSIBET

Sociallıq tarmaqlarda Qaraqalpaqstan Respublikası Beruniy rayonı aymaǵınan ótiwshi A380 “Ǵuzar-Buxara-Nókis-Beynew” avtomobil jolınıń jaǵdayı boyınsha bildirilgen múrájat (https://t.me/antikorruz/43723) boyınsha Qaraqalpaqstan Respublikası Avtomobil jolları bas basqarması rásmiy múnásibet bildiredi.

A380 “Ǵuzar-Buxara-Nókis-Beynew” avtomobil jolınıń 619-679-kilometr, yaǵnıy 60 kilometr bólegi Beruniy rayonı aymaǵınan ótedi. 2025-jıldıń basınan baslap bul jolda ońlaw hám nuqsanlardı saplastırıw jumısları alıp barılǵan.

Sonıń menen birge avtomobil jolınıń 648-668-km bóleginde AUTSORSING tiykarında ekspluataciya jumısları alıp barılımaqta.

Bunnan tısqarı, A380 avtomobil jolınıń 673-698-kilometr aralıǵında xalıqaralıq standartlarǵa mas cement-beton qaplama menen rekonstrukciyalaw jumısları alıp barılmaqta.

Sonday-aq, Aziya rawajlanıw banki esabınan usı avtomobil jolınıń 581-673-km yaǵnıy Tórtkól, Ellikqala, Beruniy rayonları aymaǵınan ótken bólegin rekonstrukciyalaw jumısları ámelge asırıladı.

Búgingi kúnde qurılıs jumısların bólip alıp islewshi shólkemdi anıqlaw maqsetinde joybar boyınsha xalıqaralıq tender sawdaları ámelge asırılıp atırģanlıģın málim etemiz.