⚡️Basqarma jámááti ulıwmaxalıqlıq shembilikte belsene qatnaspaqta

Búgin, 2-may kúni Nókis qalasında 9-may – Eslew hám qádirlew kúnin múnásip belgilew, sonday-aq, qala aymaqların jáne de abadanlastırıw, kóklemzarlastırıw hám ekologiyalıq ortalıqtı jaqsılaw maqsetinde keń kólemli ulıwmaxalıqlıq shembilik ótkerilmekte.

Bul iygilikli baslama sheńberinde barlıq kósheler, qıyabanlar hám mákan puqaralar jıyınlarında tazalaw, tártipke keltiriw hám kóklemzarlastırıw jumısları jedel alıp barılmaqta. Bul shembilikke Qaraqalpaqstan Respublikası Avtomobil jolları bas basqarması xızmetkerleri de belsene qatnaspaqta.

Onda xızmetkerler tárepinen basqarma imaratı átirapı tártipke keltirilip, aymaq tazalandı, salmalar shıǵındılardan tazalanıp, abadanlastırıw jumısları ámelge asırılmaqta. Bunnan tısqarı, avtomobil jollarınıń boyları da tazalanıp, bordyurlerdi boyaw hám aqlaw jumısları orınlanbaqta.